Presentatzione de su cursu:

Cando amus pessadu de ammaniare unu cursu multimediale nos semus preguntados si esseret istadu mezus chircare a lis imparare a sos dischentes una variedade de sardu ebbia narande chi su sardu est unu e bisonzat de imparare cussu.

Chi su sardu siet unu lu pessamus fintzas nois ma, comente capitat cun totu sas limbas naturales, ischimus fintzas chi lu podimus chistionare in maneras diferentes comente nos movimus dae un’ala a s’àtera de Sardigna.

S’esperièntzia in contos de limbas nos at fatu fintzas ammentare una cosa chi bortas medas narant sos istudentes de limbas istranzas in totu su mundu: Sa zente, cada die, non allegat sa limba de sos cursos de limba! Pro custu motivu no azis a bìdere unu docente ebbia ma a su mancu tres o bàtoro.

Sigomente in Sardigna sos sardos ant semper tratadu cun àteros sardos chi, cada die, faeddant limbas diferentes dae su sardu e totu, amus pessadu chi non fiat istada cosa fea de dare a sos dischentes nostros azigu de connoschèntzia nessi de una de sas limbas chi, dae tempus meda, ant postu raighinas in s’isula nostra. Pro motivos de tempus e de netzessidade amus pessadu a sa limba prus isparta in su cabu de subra de s’ìsula: su gadduresu. Amus seberadu su gadduresu ca capitat, a s’ispissu, chi medas sardos sient “naturalmente” bilìngues, mascamente in sas cussorzas de su nord est: in Luras comente in Terranoa, in Perfugas comente in Budoni.

In custa manera nos paret de pòdere dare una frichinia, unu sinzu de sa realidade de sa curtura de custa terra chi si espressat mascamente in sa complessidade de sa limba.

Nois pessamus chi cun su sardu si potat chistionare a su mundu e chi sos zòvanos potant imparare sa limba de sos mannos issoro bidende-la che unu trastu fitianu de comunicatzione.

Nos est fintzas agradadu de pessare chi custu passu no siet isortu dae sa netzessidade de iscrìere una limba e pro cussu amus fintzas chèrfidu chi sos dischentes potant imparare a iscrìere custa limba. Sa complessidade de sa limba allegada chi amus impessu mentovadu no est inimiga de sa limba iscrita e cun custas letziones diamus chèrrere provare a l’acrarire.

Custu cursu, tocat de lu nàrrere, est fintzas un’esperimentu e fortzis at a pòdere dare una manu de azudu a sos chi trabballant pro s’imparonzu de sas limbas de minoria. Nois incumintzamus e comente si narat “in caminu s’acontzat bàrriu”.

A dolu mannu galu no ischimus si nos podimus atopare comente aiamus pessadu a s’incumintzu de cust’aventura. S’isetu però est de nos torrare a bìdere, de nos torrare a castiare in cara, ischinde faeddare su sardu e peri àteras limbas.

Argumentos chi azis a agatare in custas letziones:

• - Ite est su sardu e ite sunt sas àteras limbas de Sardigna;
• - Apuntos de sotziolinguistica: proite su sardu est una limba;
• - Fonologia de su sardu: sos sonos consonànticos e sos sonos bocàlicos;
• - Sonos chi a bortas si intendent e a bortas nono (lampilughes);
• - Sonos traballosos pro chie su sardu non bi lu faeddat;
• - Sa morfologia: gastas de paràulas;
• - Nùmene e artìculu-pronùmene;
• - Tzenia de nùmenes sende s’acabbu issoro (-a, -u, -e, -o, -i, -is, -us);
• - S’acòrdiu;
• - Su plurale;
• - S’artìculu;
• - S’artìculu indeterminativu plurale;
• - S’artìculu-pronùmene;
• - Su sistema de sos verbos;
• - Comente si podet amparare su lèssicu particulare de su sardu;
• - Anàlisi de testos iscritos (poesia e contos);
• - Règulas ortogràficas pro iscrìere su sardu;

Struttura corso: 24 ore di videolezioni on-line + 16 ore di lezioni frontali on-line (e, se possibile, in praesentia).

Videolezioni: ogni lunedì e giovedì, dall’1 ottobre al 21 dicembre 2020, dalle ore 18:00.

Lezioni frontali: 5 incontri le cui date sono in via di definizione

Esame: produzione di un elaborato scritto da presentare durante l’incontro finale

Argomenti: Corso   di lingua sarda (con particolare riguardo alla lingua parlata e alla variazione diatopica) da realizzarsi con modalità e learning e con il metodo del CLIL (trasmissione dei contenuti in lingua di minoranza)

Livello: elementare. Durante gli incontri seminariali verrà richiesto di esprimersi esclusivamente in sardo così come, secondo la modalità del CLIL (Content and Language Integrated Learning) la sola lingua delle lezioni sarà il sardo o il gallurese.

Risultati: Dopo quaranta ore di lezione, fruibili on line, i discenti  acquisiranno competenze attive e passive del sardo anche facendo riferimento alla propria tradizione linguistica familiare.

Docenti: Simone Pisano, Riccardo Mura, Càrminu Pintore, Bruna Siriu

Iscrizioni: compilare il seguente modulo di ISCRIZIONE

Per seguire le videolezioni, dopo aver compilato una sola volta il modulo di iscrizione, riceverete tramite mail il link diretto per seguire tutte le 24 lezioni.

Per seguire le lezioni frontali, esaminate le richieste, riceverete via e-mail istruzioni sulla piattaforma di collegamento una settimana prima della lezione.

Informazioni: Questo indirizzo email è protetto dagli spambots. È necessario abilitare JavaScript per vederlo. - Questo indirizzo email è protetto dagli spambots. È necessario abilitare JavaScript per vederlo.